Ndryshime dhe në kupolën e burgjeve, Saraçi ikën nga "313-a", Keidis Çela drejtori i ri
Nga Edison Vatnikaj Përditësimi i fundit 27 Dhjetor 2022, 10:45
Pas Policisë së Shtetit lëvizje ka patur edhe në burgje.
Administrata e burgjeve është përfshirë nga ndryshimet ku drejtori i paraburgimit 313 është emëruar Keidis Çela.
Ai zëvendëson në këtë detyrë Shkëlzim Saraçin, i cili transferohet si titullar i spitalit të burgjeve.
Ndryshimet kanë prekur edhe në zinxhirin komandues të sigurisë në burgun 313, përfshirë shefin e sigurisë së burgut dhe atë të shoqërimeve.
Burgu 313 është institucion i rëndësisë së veçantë, pasi në godinën e tij është instaluar sistemi 41 Bis, ku ndodhen të izoluar eksponentë të krimit të organizuar, të dënuar për vepra të rënda penale.
