Ofendoi Bardhin, PD kërkon që kryeministri Rama të përjashtohet 10 ditë nga Kuvendi
Nga OraNews Përditësimi i fundit 22 Dhjetor 2022, 17:38
Pas debatit të fortë mes kryeministrit Rama dhe deputetit demokrat Gazment Bardhi me fyerje dhe ofendime, PD kërkon përjashtimi edhe të kryeministrit.
Ishte nënkryetarja e Kuvendit, Ermonela Felaj ajo që e përjashtoi Bardhin, ndërkohë nuk bëri të njëjtën gjë për Ramën edhe pse gjuha e tyre ishte e ndërsjelltë.
PD bën me dije se duhen zbatuar rregullat e kuvendit dhe Rama për ato akuza ndaj Bardhi duhet të përjashtohet me 10 ditë nga Kuvendit.
Dokumenti i kërkesës së PD-së është firmosur nga 7 deputetë të kësaj partie konkretisht: Alibeaj, Koreshi, Pampuri, Bano, Collaku, Mziu dhe Malltezi.
