Gomorra shqiptare/ Dënohet bosi Elvis Demçe që u vetëshpall “Zot”. 18 vjet burg për të, 16 për rivalin Arapaj
Nga OraNews Përditësimi i fundit 14 Dhjetor 2022, 19:19
Gjykata e Romës ka dënuar me tetëmbëdhjetë vjet burg Elvis Demçen, bosi që e shpalli veten “Zot” dhe mik i Fabrizio Piscitellit i njohur si Diabolik.
Gjashtëmbëdhjetë vjet ndërkohë për rivalin e tij Ermal Arapaj, i njohur si “Ufo”.
Mbi 120 vjet burg gjithsej për dy bandat që nisën luftën e brendshme në kryeqytetin e Italisë, një Gomorra Shqiptare.
Kështu, shumica e kërkesave të prokurorëve Mario Palazzi dhe Francesco Cascini u pranuan.
12 persona të tjerë u dënuan me dënime që varionin nga minimumi 4 vjet e 6 muaj deri në maksimum 9 vjet e 8 muaj.
Dy të pandehur janë shpallur të pafajshëm.
Në qendër, konflikti për kontrollin e trafikut të drogës që kishte pushtuar Romën nga Castelli Romani.
Sherri mes grupit të Demçes dhe grupit të Arapajt
Hetimet nisin herët. Ishte data 27 dhjetor 2017 kur në Artena u gjet trupi i djegur i Cristian Di Lauro, i zhdukur ditën e Krishtlindjeve.
Një vrasje brutale që lejoi karabinierët e njësisë hetimore të Frascatit të nisin një sërë hetimesh dhe në këtë mënyrë të thellojnë figurën e Arapajt dhe mënyrën sesi ai kishte krijuar një grup të mirëstrukturuar.
Demçe, protagonisti më gjakatar i Gomorrës Shqiptare, i thënë nga hetimet e karabinierëve, prokurorisë së Romës dhe drejtorisë së antimafias të rrethit, del në skenë në prill 2020 menjëherë pas lirimit me dhënien e arrestit shtëpiak.
Ai tha "Unë jam Zoti" dhe gjithashtu "Kur flas është Kasacion, është vdekje. Isis ka dalë. Tani shkoni dhe mbylluni të gjithë”.
Gomora Shqiptare
Ka qenë pikërisht Ermal Arapaj, gjithashtu shqiptar, ai që ka qëndruar mes Demçes dhe dëshirës së tij për t'u zgjeruar.
“Ufo”, siç e thërrasin njerëzit e tij, kishte ngritur një grup të aftë për të fituar para me drogë.
Një bandë që kishte pushtuar sheshin e drogave të Demçes kur ai ishte jashtë aksionit sepse ishte në burg. Kthimi i tij në fushë, megjithatë, ka riorganizuar kuvertën.
Demçe më 9 korrik 2020, në komunën e Lanuvios, kishte planifikuar një sulm kundër rivalit të tij.
Një pritë nga e cila Arapaj kishte arritur të shpëtonte duke qëlluar i pari dhe duke goditur në këmbë një nga ekzekutorët e porositur nga Demçe.
Mëngjesin e 5 shtatorit 2020, grupi i Demçes do të kishte ndezur zjarrin në Velletri, duke dëmtuar vilën dhe makinat e Arapaj dhe partnerit të tij.
Një përshkallëzim i dhunshëm që e detyroi Arapajn të arratisej në Spanjë nga frika e hakmarrjes.
Një luftë mes të dyve që do të kishte përfunduar me gjak nëse arrestimet e Arapajt në fillim dhe më pas të Demçes nuk do ta kishin ndërprerë, të paktën tani për tani, këtë sherr.
