Garo: Nuk e prisnim goditjen e Berishës, njeri i rrallë që nuk e dha veten, bëri thirrje për vetëpërmbajtje
Nga OraNews Përditësimi i fundit 8 Dhjetor 2022, 21:29
Në “Drejt” nga Luan Rama në RTV Ora, zëdhënësja e PD-së, Floriana Garo u shpreh se nuk e priste goditjen e Berishës në 6 dhjetor në protestë.
Ajo tha se Berisha u gjakos, por nuk e dha veten, madje bëri thirrje nga podiumi për vetëpërmbajtje kundrejt protestuesve.
Garo: Nuk e prisnim goditjen e Berishës. Ndodhi diçka e tillë që nuk e prisnim dhe reagimi ishte përtej asaj që unë do të doja, por që ishte normal. Për mua ishte e pabesueshme. Të njëjtën gjë mendova edhe në 8 janar kur u hodhën karriget nga kati i dytë i PD-së.
Berisha nuk e humbi vetëdijen, por goditja ishte e fortë. Kishte gjakderdhje, por që unë mendoj se mosha e tij, por edhe një njeri tjetër nuk do të kishte mundur dot me aq përmbajtje dhe forcë, që të bënte thirrje për përmbajtje e të vijonte protestën. Ishte veprim prej njeriu të rrallë.
Emisioni "Drejt" nga Luan Rama transmetohet çdo të hënë dhe të enjte ora 21:00 në RTV Ora.
Shënim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
