Të shtëna me armë zjarri te “Kodra e Diellit”, plagoset një person nga komshiu
Nga OraNews Përditësimi i fundit 27 Tetor 2022, 22:33
Një person është plagosur me armë zjarri nga komshiu pas një konflikti të ndodhur mes tyre.
"Rreth orës 21:50, është paraqitur në Spitalin e Traumës për ndihmë mjekësore, shtetasi Jonian Shehu 35 vjeç, i plagosur me armë zjarri. Me marrjen e njoftimit, shërbimet e Komisariatit të Policisë Nr. 1, kanë shkuar në vendngjarje, te Kodra e Diellit, dhe kanë bërë të mundur identifikimin dhe shpalljen në kërkim të autorit të dyshuar shtetasit Olsi Bllaci ", njofton policia.
I plagosuri ndodhet jashtë rrezikut për jetën.
Nga hetimet paraprake dyshohet se shtetasi Olsi Bllaci pas një konflikti ka plagosur me armë zjarri shtetasin Jonian Shehu, thuhet në njoftimin e policisë.
Grupi hetimor po punon për sqarimin e rrethanave të ngjarjes .
Vijon kontrolli i zonës për kapjen e autorit të dyshuar të ngjarjes.
