Përballja miqësore Shqipëri-Arabi Saudite ‘top sekret’, Riza: Më duket e çuditshme
Nga OraNews Përditësimi i fundit 23 Tetor 2022, 22:36
Shqipëria do të ndeshet në një miqëore me Arabinë Saudite më 26 tetor.
Federata Arabe e Futbollit ka vendosur që kjo përballje të jetë “top sekret”, teksa nuk ka lejuar transmetimin e saj.
Arsyeja? Kombëtarja arabe po përgatitet për Kupën e Botës 2022 dhe nuk dëshiron që kundërshtarët të marrin informacion për mënyrën e saj të lojës.
Florian Riza ka reaguar në lidhje me këtë temë në studion e emisionit “Ora Sport” në “Ora TV”.
Ish-futbollisti shprehet i çuditur se si një ekip dëshiron të qendrojë i fshehur përpara gjithë botës.
“Nuk e kuptoj dot pse një ekip do të rrijë i fshehur përpara gjithë botës. Më duket e çuditshme. Nuk e kuptoj dot”, ka thënë Florian Riza.
