Ambasadorja Kim takon gjyqtarët e Apelit: Bëni punën me ndershmëri, ne do të jemi krah jush
Nga Keti Banushi Përditësimi i fundit 21 Tetor 2022, 10:51
Ambasadorja Amerikane vijoi takimet në Gjykatën e Posaçme po këtë herë me gjyqtarët ë Apelit. Ajo u kërkoi togave të zeza që të vijojnë të punojnë me ndershmeri, duke garantuar se nuk do t`ju mungojë mbështetja.
Për të tretën ditë radhazi ambasadorja e Shteteve të Bashkuara të Amerikës ka vijuar të japë mesazhe për gjyqësorin.
Gjatë një takimi me gjyqtarët e Apelit të Posaçëm, Kim u ka kërkuar gjyqtarëve të jenë te guximshëm në zbatim të ligjit
Kim: E nxis çdo gjyqtar dhe prokuror që ta bëjë punën e tij me ndërshmëri, duke zbatuar pa mëdyshje ligjin, me guxim dhe krenari. Ne do të qëndrojmë krah jush, do të vazhdojmë të luftojmë bashkë me ju.
Ajo i falenderoi ata për punën e tyre të madhe për një gjyqësor të paanshëm dhe të drejtë.
Kim: Shqipëria po ecën përpara, jo pa vështirësi, por megjithatë po ecën. Rruga përpara, është e vetmja rrugë për të moshuarit shqiptarë, të cilët nuk hoqën kurrë dorë nga shpresa dhe për djemtë dhe vajzat e reja, të cilët kanë aq shumë nevojë për të.
Dy ditë me parë diplomatja amerikane zhvilloi një takim edhe me gjyqtarët e Gjykatës së Posaçme në Shkallën e Parë.
Takimet e ambasadores vijnë në një kohë që SPAK është drejt finalizimit të disa dosjeve të rëndësishme.
