Endri Çekiçi shënon supergol në fushën e Galatasaray dhe e feston me Megi Pojanin (VIDEO)
Nga OraNews Përditësimi i fundit 16 Shtator 2022, 21:37
Supergol me një dedikim të veçantë për të fejuarën Megi Pojani. Mesfushori i Kombëtares Shqiptare, Endri Çekiçi realizoi golin e vetëm të Konyaspor në transfertë me Galatasaray ku skuadra e tij u mund 2-1.
Realizimi fantastik i lojtarit shqiptar i shoqërua nga shpërthimi i lojtarit pogradecar që vrapoi drejt shkallëve të stadiumit "Ali Sami Yen" për ta festuar golin me bukuroshen e ekranit shqiptar.
Një gjest që hedh poshtë zërat për një krizë të mundshme për shkak të largësisë dhe konfirmon plotësisht historinë e nisur muaj më parë mes lojtarit të talentuar dhe modeles brune.
