Elisabetta II tifoze e West Ham, djali dhe nipi mbështesin skuadra modeste ndërsa Kate Middleton…
Nga OraNews Përditësimi i fundit 12 Shtator 2022, 20:09
Edhe pse ligjërisht familja mbretërore dhe anëtarët e saj duhet të jenë apolitikë, nuk ka asnjë dekret që ata t’i ndalojë të bëjnë tifo apo të mbështesin skuadrat e tyre të preferuara. Kështu, princi William që është njeriu i cili do të ulet në fronin mbretëror pas epokës Cherles III, njihet si një tifoz i deklaruar i Aston Villas. Ndërkohë, bashkëshortja e tij, Kate Middleton mbështet skuadrën e Chelseat.
Mbreti aktual, Charles III që mori detyrat me të larta drejtuese pas vdekjes së Elisabetës II, mbështet skuadrën modeste të Burnley.
Ka pasur shumë mister rreth pasionit të ish-mbretëreshës Elisabetta II por tabloidet britanike edhe pse nën zë, nënvizojnë rëndësinë që ka pasur emri i West Ham në jetën e saj.
Një tjetër klub që ka pasur një vend të veçantë në zemrën e mbretëreshës ka qenë edhe Arsenali, skuadra e vetme që është pritur në Buckingham Palace.
“The Mirror” shkruan se mbretëresha nuk ka dashur asnjëherë që njerëzit të njohin pasionin e saj për një skuadër të veçantë pasi detyra e impononte që të ishte neutrale edhe pse stafit të brendshëm të Buckingham Palace në më shumë se një rast u ka lënë të kuptohet se West Ham mbetej skuadra më e dashur për të.
Edhe Princi Harry është një fans i Arsenalit por që prej humbjes 5-1 në sfidën me Bayern Munchen në vitin 2017 ai ka hequr dorë nga pasioni për futbollin.
