Arkeologët gjeorgjianë gjejnë një dhëmb njeriu 1.8 milionë vjeçar

Nga OraNews Përditësimi i fundit 12 Shtator 2022, 16:49

Arkeologët nga Gjeorgjia kanë zbuluar një dhëmb që i përket një specieje të hershme të njeriut nga 1.8 milionë vjet më parë.

Gjetja tregon gjithashtu se Gjeorgjia duhet të ketë qenë shtëpia e një prej vendbanimeve më të vjetra parahistorike njerëzore në Evropë, ndoshta edhe jashtë Afrikës.

Dhëmbi u gjet rreth 100 kilometra larg kryeqytetit Tbilisi, në një fshat të quajtur Orozmani.

Në të njëjtën zonë, kafka njerëzore nga e njëjta periudhë u zbuluan në fund të viteve 1990 dhe në fillim të viteve 2000.

Kur kafkat u zbuluan në një vend të quajtur Dmanisi, ato shërbyen për të ndryshuar kuptimin e komunitetit shkencor mbi modelet e hershme të migrimit njerëzor dhe evolucionin.

Tani, në vendin e ri rreth 20 kilometra larg, ata kanë gjetur këtë dhëmb, duke vërtetuar më tej se zona në rajonin malor të Kaukazit jugor të Gjeorgjisë ishte një nga pikat e para ndaluese për njerëzit pasi ata migruan nga Afrika.

Në një deklaratë që njoftonte gjetjen historike, Qendra Kombëtare e Kërkimeve të Arkeologjisë dhe Prehistorisë së Gjeorgjisë tha:

"Orozmani, së bashku me Dmanisi, përfaqëson qendrën e shpërndarjes më të vjetër të njerëzve - ose Homo-t e hershëm - në botë jashtë Afrikës."

Dhëmbi u nxor nga toka nga studenti britanik i arkeologjisë Jack Peart, i cili tha:

"Implikimet, jo vetëm për këtë vend, por për Gjeorgjinë dhe historinë e largimit të njerëzve nga Afrika 1.8 milion vjet më parë, janë të mëdha.”