Një tërmet i fuqishëm me magnitudë 7.6 ballë godet Papua Guinenë e Re

Nga OraNews Përditësimi i fundit 12 Shtator 2022, 15:58

Papua Guinea e Re është goditur nga një tërmet i fuqishëm me magnitudë 7.6 ballë të shkallës Rihter.

Tërmeti u ndje në të gjithë vendin, megjithëse ishte i përqendruar në një pjesë të largët të kombit ishull.

Autoritetet kanë thënë se të paktën tre persona kanë vdekur, ndërsa shumë të tjerë janë plagosur dhe disa pjesë të vendit kanë pësuar dëme të konsiderueshme.

Tre personat gjatë lëkundjeve vdiqën pasi tërmeti shkaktoi një rrëshqitje dheu që goditi qytetin e minierës së arit të Wau.

Charley Masange, drejtor i fatkeqësive në provincën Morobe të Papua Guinesë së Re ku goditi tërmeti, sugjeroi se popullsia e shpërndarë e vendit dhe mungesa e ndërtesave të mëdha pranë epiqendrës së tërmetit ndihmuan në shmangien e një fatkeqësie edhe më të keqe.

|Duke pasur parasysh fuqinë e tërmetit masiv nëse do të godiste një vend më të dendur të populluar, atëherë mund të kishte vrarë shumë më tepër njerëz.|

Është gjithashtu e mundur që shkalla fillestare e dëmit nuk dihet ende pasi mendohet se komunikimet janë ndërprerë.

Vendasit dolën në mediat sociale për të treguar ndikimin e tërmetit, me rrugë të plasaritura dhe makina të dëmtuara.

Një nga arsyet pse Papua Guinea e Re është kaq e ndjeshme ndaj tërmeteve është sepse ndodhet pranë 'Unazës së Zjarrit' , një vrimë në fundin e oqeanit në Paqësor, ku pllakat tektonike zhvendosen kundër njëra-tjetrës.