Iniciativë e Fifit, kush janë VIP-at e politikanët pjesëmarrës në protestën kundër përdhunimit të 11-vjeçares
Nga OraNews Përditësimi i fundit 31 Gusht 2022, 19:17
Ka nisur protesta përpara sheshit Nënë Tereza, ku qindra njerëz janë solidarizuar dhe kanë dalë për të protestuar për ngjarjen e rëndë të përdhunimit të 11 vjeçares në Prishtinë.
Në protestë kanë dalë dhe personazhe të njohur të ekranit si Fifi, Beatrix Ramosaj, aktorja Monika Lubonja, Klea Huta, Einxhel Shkira, moderatori Ermal Peci dhe shumë të tjerë.
Ajo që bie në sy është pankartat dhe bluzat që mbajnë veshur, artistët por edhe vajzat e mitura që janë në protesta.
Iniciatorja e kësaj proteste është Fifi, e cila duket se ka përgatitur dhe një pankartë me frazën: “Unë bërtita. Jooooo!”.
Po ashtu protestës i janë bashkuar dhe politikanë ku mes tyre janë Halit Valteri me të bijën dhe bashkëshorten si dhe Rudina Hajdari me të bijën.
5 djemtë në Kosovë të identifikuar si Ekrem Rexhepi, Gent Rexhepi, Xhabir Salihu, Gentrit Jashari dhe Shkëlqim Kameri, kanë abuzuar seksualisht me 11-vjeçaren në Prishtinë të Kosovës. Policia e Kosovës ka arritur t’i arrestojë të pesë të dyshuarit, ndërkaq ndaj katër prej tyre është caktuar masa e paraburgimit prej 30 ditësh.
