Sekuestrohet hotel “Princ” në Golem/ Prona i përkiste Fadil Sylës, i deportuar në Kosovë
Nga Keti Banushi Përditësimi i fundit 20 Gusht 2022, 16:05
Me kërkesë të prokurorisë Gjykata e Kukësit ka sekuestruar një hotel në Golem, pronë e një shtetasi kosovar i deportuar nga Shqipëria me kërkesë të autoriteteve kosovare.
Bëhet fjalë për shtetasin Fadil Syla, i cili prej vitesh jetonte në Shqipëri dhe kishte investuar duke ndërtuar hotelin Princ në Golem të Kavajës.
Ky objekt është venë në sekuestro nga autoritete shqiptare, të cilat paralelisht po e hetojnë Sylën për veprën penale të pastrimit të parave.
Ne vendimin e gjykatës thuhet se Kukësit thuhet se objekti i sekuestruar ka një sipërfaqe 500 metra katrore dhe është me 6 kate.
Vendimi është marrë me 29 korrik të këtij viti ndërsa objekti i ka kaluar për Administrim Drejtorisë së pastrimit të parave, e cila ka caktuar edhe një administrator për të menaxhuar objektin derisa gjykata të dilte me në një vendim përfundimtar nëse do të konfiskohet për ti kaluar në favor shtetit.
