Plas sherri në lokal në Ndroq, 1 person përfundon në spital. Vëllezërit zihen me njëri tjetrin, gratë i shkatërrojnë shtëpinë
Nga OraNews Përditësimi i fundit 20 Gusht 2022, 13:10
Policia e Tiranës njoftoi për këto tre incidente në kryeqytet.
Sherr në ambietet e një lokali në Ndroq. Policia informon se shtetasi F. M., gjatë një konflikti, dyshohet se ka goditur me sende të forta shtetasin P. T., i cili për pasojë është dëmtuar dhe ndodhet në spital, nën kujdesin e mjekëve.
Ngjarja është shënuar paraditen e sotme 20 gusht 2022.
Grupi hetimor po punon për kapjen e autorit dhe sqarimin e rrethanave të ngjarjes.
Ndërkohë dy vëllezër kanë përfunduar në polici pasi u përleshën me njëri tjetrin për motive të dobëta.
Në një rast tjetër dy gra, 37 dhe 40 vjeçe kanë bërë vetëgjyqësi duke hyrë në banesën e një 41 vjeçari dhe i knë dëmtuar orenditë shtëpiake dhe më pas, gjatë shoqërimit, kanë kundërshtuar me dhunë punonjësit e Policisë.
