Nga Anglia dhe Italia, dy të rinj tentojnë të hyjnë në Muriqan me mbi 15 mijë euro të padeklaruara
Nga OraNews Përditësimi i fundit 8 Gusht 2022, 12:14
Dy të rinj, kanë tentuar të hyjnë në Muriqan me një shumë parash të pa deklaruar të cilën e kishin fshehur në makinë.
Gjatë kontrollit të ushtruar në këtë automjet, shërbimet e Policisë Kufitare gjetën dhe sekuestruan 14.030 euro dhe 1130 paund, të cilët nuk i kishin deklaruar sipas përcaktimeve ligjore në fuqi” informoi sot policia Shkodrës.
Njëri prej të rinjve, i identifikuar si C.R, 22 vjeç banonte në Angli dhe ndërsa tjetri, S.R 19 vjeç banonte në Itali.
“Nga veprimet hetimore dyshohet se shumat e parave të sekuestruara janë përfituar në mënyrë të kundërligjshme” vijon njoftimi i policisë.
Ata do të procedohen në gjëndje të lirë për veprat penale "Mosdeklarimi në kufi i të hollave dhe i sendeve me vlerë" dhe “Pastrimi i produkteve të veprës penale ose të veprimtarisë kriminale”, kryer në bashkëpunim.
