E trishtë, qytetarët e Himarës ndezën qirinj në vendin ku u vra 7 vjeçarja
Nga Ora News Përditësimi i fundit 3 Gusht 2022, 08:26
Në vendin ku 7 vjeçarja humbi jetën ditën e djeshme pasi u godit nga skafi që drejtohej nga komisar Arjan Tase, qytetarë të Himarës kanë ndezur qirinj mbrëmjen e djeshme.
Në nder të vogëlushes që humbi jetën qytetarët kanë kryer homazhe duke u ndërgjegjësuar me tragjedinë që i ndodhi familjes.
Figura të mediat, politikës por jo vetëm kanë shprehur ngushëllime dhe keqardhjen për vdekjen e Jonda Avdiaj, 7 vjeçares që kishte ardhur me pushime nga Anglia me familjen e saj vetëm pak ditë më parë.
Ngjarja ndodhi më 02/08/2022, ku skafi me drejtues komisar Arjan Tasen, goditi rëndë duke lënë të vdekur vajzën e vogël që po lahej në ato momente në det.
Menjëherë pas kësaj autori është arrestuar ndërsa në pyetje janë marrë dhe familjarë dhe dëshmitarë të tjerë të ngjarjes.
Ndërkohë fotot më poshtë janë publikuar nga gazetarja Esmeralda Keta mëngjesin e sotëm, ku plazhi është braktisur e një kukull është vendosur në vendin ku vogëlushja ndërroi jetë.
