"BMW" humb kontrollin dhe futet në oborrin e gjykatës së Dibrës, plagosen roja private dhe shoferi
Nga OraNews Përditësimi i fundit 1 Gusht 2022, 20:59
Një aksident rrugor ka ndodhur brenda oborrit të gjykatës së shkallës së parë Dibër, duke lënë të plagosur dhe rojen private.
Ngjarja është regjistruar mbrëmjen e sotme në qytetin e Peshkopisë, ku shtetasi Ferit Sula duke drejtuar automjetin tip 'BMW', ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka hyrë në ambientin e jashtëm të Gjykatës së Shkallës së Parë Dibër duke shkaktuar dëme materiale.
Gjithashtu ka aksidentuar jashtë rrezikut për jetën shtetasin G.D, punonjës i shërbimit të sigurisë private që ishte në shërbim pranë Gjykatës.
Drejtuesi i mjetit pas marrjes së ndihmës mjekësore do të shoqërohet në Komisariat për veprime të mëtejshme.
Grupi hetimor po punon për sqarimin e rrethanave të aksidentit.
