De Jong te Chelsea? Klubi londinez bën ofertën joshëse për Barcelonën
Nga OraNews Përditësimi i fundit 1 Gusht 2022, 09:33
Tabloidi britanik “Daily Mirror” zbulon një prapaskenë interesante të merkatos së Chelseat dhe Barcelonës.
Sipas informacioneve, klubi londinez beson që me dy lojtarë në tryezën e bisedimeve mund ta bindë Barcelonën t’i rrëmbejë objektin më të dëshiruar të merkatos së Manchester United, Frenkie De Jong.
Shkëmbimi është një opsion i mundshëm për holandezin që do të transferohej në “Stamford Bridge” në këmbim të dy mbrojtësve të krahut të Chelseat, Marcos Alonso dhe Cesar Azpiliqueta.
Emrat e dy spanjollëve i janë propozuar klubit katalanas për të realizuar transferimin e De Jong në Premier League me fanellën e bluve. Në tryezë nuk janë vetëm dy mbrojtësit e krahut pasi Chelsea duhet t’i paguajë edhe një shumë të madhe klubit katalanas.
