Çmendet prifti rus, sulmon priftin ukrainas me kryq gjatë funeralit pasi kritikoi Rusinë
Nga OraNews Përditësimi i fundit 29 Korrik 2022, 21:50
Një prift i Patriarkanës së Moskës përdori një kryq për të sulmuar një prift të Kishës Ortodokse të Ukrainës (OCU).
Ky i fundit po mbante një eulogji në funeralin e një ushtari të rënë ukrainas më 22 korrik në një qytet në Ukrainën qendrore.
Funerali po bëhej për Oleksandr Ziniv, një anëtar i Forcave të Armatosura të Ukrainës, në Tomashpil, një komunitet rural në Vinnytsia Oblast.
Zyrtarët lokalë thanë se Ziniv vdiq në moshën 42 vjeçare ndërsa ishte në një mision luftarak pranë qytetit të Mykolaiv më 17 korrik.
Gjatë eulogjisë së tij, prifti i OCU, At Anatoly Dudko, u bëri thirrje njerëzve të braktisnin emërtimin e Patriarkanës së Moskës, e cila është e lidhur me Federatën Ruse dhe në mënyrë të përsëritur mohoi t'i referohej Oleksandr me emrin e tij rus, Aleksandër.
Disa të pranishëm u dëgjuan duke i kërkuar që t'i jepte fund fjalës së tij përpara se At Mykhailo Vasylyuk, një prift rus, t'i afrohet podiumit dhe, duke përdorur një kryq, ta godasë Dudkon disa herë përpara se njerëzit e tjerë ta largonin.
Policia po hetonte sulmin e priftit.
