Zjarr në pyjet me pisha në Marmaris, përfshihet nga flakët hoteli

Nga OraNews Përditësimi i fundit 29 Korrik 2022, 19:41

Një zjarr i madh i cili shpërtheu pranë vendbanimeve në Marmaris të Turqisë dhe u përhap në një hotel, u vu nën kontroll nga autoritetet.

Vatrat e zjarrit u shfaq fillimisht në pyllin e mbuluar me pisha të kuqe por flakët u përhapën nga era duke kërcënuar banesat.

Ministria e Bujqësisë dhe Pylltarisë tha se zjarri është vënë nën kontroll si pasojë e ndërhyrjes intensive nga ajri dhe toka.

AFAD njoftoi se personat që qëndronin në hotelin e prekur nga zjarri janë evakuuar dhe nuk ka të lënduar.

Kryebashkiaku i Marmarisit Mehmet Oktay tha se zjarri pritet të shuhet brenda një kohe të shkurtër.

Një episod i ngjashëm në Marmaris u regjistrua dhe  vitin e kaluar, por flakët dolën jashtë kontrollit duke  kthyer në një nga zjarret më të mëdha të pyjeve në Turqi.

Zjarr në pyjet me pisha në Marmaris, përfshihet nga flakët