Britani, vajza 9-vjeçare vritet me thikë, prangosen 2 persona për ngjarjen
Nga OraNews Përditësimi i fundit 29 Korrik 2022, 20:33
Një vajzë nëntë vjeçare e quajtur Lilia Valutyte u vra me thikë në Lincolnshire.
Vajza, një shtetase lituaneze, u gjet e vdekur në Fountain Lane në Boston rreth orës 18:20 të ditës së djeshme.
Dy persona janë arrestuar në kuadër të një hetimi për vrasje, pas asaj që policia e quan “ngjarja e izoluar”.
Shefi i policisë së Lincolnshire, Kate Anderson, tha: "Mendimet tona vazhdojnë të jenë me familjen dhe miqtë e Lilia".
Oficeri i lartë e kishte përshkruar vdekjen e nëntë vjeçares si një "tragjedi të plotë". Prindërit e Lilias po mbështeten nga oficerë të trajnuar posaçërisht.
Ata që dëshirojnë të lënë lule dhe homazhe mund t'i lënë në cep të Fountain Lane dhe Fountain Place, tha policia. Sekretari i Brendshëm Priti Patel e përshkroi incidentin si "të tmerrshëm".
Flamujt po valëviten në gjysmështizë rreth Bostonit dhe Paul Skinner dhe kreu i këshillit të bashkisë, tha se qyteti ishte i bashkuar në zi.
Policia ka refuzuar të komentojë nëse të arrestuarit ishin të rritur apo të mitur.
