Nën hetim 6 zyrtarë të Bashkisë Vlorë, lejuan ndërtimin e 2 konstruksioneve në katin e nëntë të një objekti
Nga OraNews Përditësimi i fundit 21 Korrik 2022, 14:58
Një person në Vlorë është proceduar penalisht pasi ndërtoi pa leje, në lagjen "Uji i Ftohtë", Vlorë.
Nën hetim është vendosur shtetasi Gëzim Hoxha, 61 vjeç, banues në Vlorë, pasi dyshohet se ka ndërtuar pa leje, 2 konstruksione hekuri, në katin e nëntë të një objekti.
Po ashtu janë proceduar penalisht dhe 6 zyrtarë të bashkisë pasi përballen me veprën penale "Shpërdorimi i detyrës".
Gjithashtu, për këtë rast u referuan materialet në Prokurori dhe nisi procedimi penal në gjendje të lirë, për veprën penale "Shpërdorimi i detyrës", për shtetasit:
-Jurgen Çollaku, 34 vjeç, me detyrë Drejtor i Zyrës Urbanistike në bashkinë Vlorë;
-Klaudio Mehmeti, 33 vjeç, me detyrë specialist i Zyrës Urbanistike, në bashkinë Vlorë;
-Rubin Hekurani, 34 vjeç, me detyrë specialist i Zyrës Urbanistike, në bashkinë -Vlorë;
-Flori Hoxha, 35 vjeç, me detyrë kryeinspektor i IMT, në bashkinë Vlorë;
-Igli Zahaj, 31 vjeç, me detyrë inspektor i IMT, në bashkinë Vlorë;
-Manuel Islamaj, 30 vjeç, me detyrë inspektor i IMT, në bashkinë Vlorë.
Nga veprimet hetimore dyshohet se këta shtetas se kanë shpërdoruar detyrën duke lëshuar deklaratë paraprake për kryerje punimesh në kundërshtim me ligjin për inspektimin dhe mbrojtjen e territorit nga ndërtimet e paligjshme.
