"Kush fshihet pas arrestimit të Hashim Thaçit?" Rama e Berisha përplasen në Kuvend

Nga OraNews Përditësimi i fundit 21 Korrik 2022, 12:41

Pr/Rezoluta kundër raportit të trafikut të organeve të Dick Marty e sjellë nga socialistët sot në Kuvend ka sjellë replika dhe akuza të ndërsjellta Rama – Berisha.

Kryeministri Edi Rama dhe kryetari i PD-së Sali Berisha kanë shkëmbyer akuza të ndërsjellta duke akuzuar njëri tjetrin se janë fajtorë për arrestimin dhe mbajtjen në burg të Hagës të udhëheqjes politike pjesë e të cilës është dhe Hashim Thaçi.

Rama akuzon Berishën se është vota që demokratët kanë dhënë me urdhër të tij në Këshillin e Europës për Dick Marty që I hapi rrugë Gjykatës Speciale dhe arrestimit të Hashim Thaçit.

Ndërkohë që Berisha thotë se pas arrestimit të Hashim Thaçit është trinomi “Kremlini – Beograd – Tiranë” dhe akuzon Ramën.

Edi Rama: Vota pro e PD-së për një raport që ka çuar në hartë jo disa persona as disa udhëheqës të një lëvizje çlirimtare që nuk ishte ushtri e organizuar por rebelim “I katundarëve e punëtorëve” sic do thoshte Fan Noli që morën pushkën e thanë Mjaft! Kanë çuar në Hagë, Kosovën, Hashim Thaçi. Këta nuk ia përmendin emrin Hashim Thaçit, e disa e kanë kthyer në një autocrat të korruptuar që ta dënojë sa të ketë fuqi Gjykata Europiane sepse ka dashur tju ndajë këtyre Kosovën. Këta Kosovën e ndanë kur i çuan naftë asaj manikerie që bënte spastrim etnik ndërsa sot kujtohen ta kthejmë në këmbë me darje e daulle. Ne me këta trima, që i gjuajnë me gurë njëri tjetrit.

Sali Berisha:"Ky e mori e futi Hashim Thaçin në spiraled e ndryshimit të kufijve në Ballkan. I sugjeroi Thaçit të shtrëngonte duart me Putinin. Ky! Bashkë me Ymerët e Klosët e tij janë burime shpifjesh të pafundme. Edi Rama futi udhëheqjen politike të Kosovës në një spirale që ndikoi në arrestimin e tyre. Ky që do të bëhet patriot me Baton Haxhiun janë dy promotorë të arrestimit të udhëheqjes politike të Kosovës. Morën fushatën e anulimit të Gjykatës Ndërkombëtare që tregonte indirekt se po përpiqej të fshihte fajësitë që nuk ekzistonin. Hidhet se e di se në çdo variant del si argat i Vuçiçit."