Fier, 39 vjeçari plagos me thikë babë e bir, vihet në prangat e policisë
Nga OraNews Përditësimi i fundit 20 Korrik 2022, 13:53
Një 39-vjeçar në Fier është vënë në prangat e policis pasi pas një konflikti, ka goditur me thikë dy persona, 77 vjeçarin Haxhi Balla dhe 53-vjeçarin Aleks Balla (babë e bir), njofton policia.
39-vjeçari i arrestuar është Armando Borici.
Sakaq bëhet me dije se babë e bir ndodhen në spitalin rajonal të Fierit nën kujdesin e mjekëve.
Ngjarja ka ndodhur në Qënas, Fier.
Paraprakisht burime për Ora News bëjnë me dije se burim i konfliktit ka qenë tymi i zjarrit i ndezur nga njëri prej të përfshirëve në konflikt.
