Telefonat në timon po vrasin

Nga Marko Diko Përditësimi i fundit 2 Korrik 2022, 15:23

Një person ka humbur jetën në Fushë-Krujë të shtunën pas një aksidenti me makinë. Një tjetër person është plagosur rëndë në Berat, ndërsa ekspertët bëjnë thirrje për kujdes të shtuar në përdorimin e telefonave dhe parakalimet.

Një aksident i rëndë ka ndodhur mesditën e së shtunës në Fushë Krujë. Një makinë mësohet se ka përplasur për vdekje 55-vjeçaren Lume Rryta.

Ngjarja është shënuar në fshatin Larushk ndërsa shoferi Mehmet Xhixha është shoqëruar në Komisariat.

Aksidenti u shënua në një zonë ku ndodhin shpesh ngjarje të tilla.

Viktima ishte duke dalë nga supermarketi, kur i ka prerë rrugën automjetit.

Ndërkohë pak minuta më vonë një tjetër aksident u shënua në aksin Dimal-Berat.

Mësohet se një 27-vjeçe, e identifikuar si Justina Gjata ka qenë duke drejtuar mjetin tip "Ëolksvagen", teksa është përplasur me një mjet tip kamion.

Për pasojë është dëmtuar drejtuesja e mjetit, e cila është transportuar në Spitalin e Traumës në gjendje të rëndë shëndetësore.

Tre persona kanë humbur jetën mes tyre një fëmijë 6 vjeç në Berat nga aksidentet rrugore vetëm gjatë muajt qershor.

Specialisti i qarkullit rrugor, Lorenc Tanushi, nisur nga shtimi i rasteve të aksidentit thotë se shumë prej tyre si shkak kryesorë kanë përdorimit të celularit dhe parakalimeve të gabuara.

"Shkëputja e vëmendjes nga drejtimi i mjetit qoftë një sekondë të shikosh telefonin duke udhëtuar brenda qytetit me 40 km/h, mjeti për një sekondë që shikon telefonin ka bërë 11 metra pa dijeninë tënde."

Gjatë muajt që lam pas policia ka ushtruar jo vetëm kontrolle, por ka vendosur edhe 1399 gjoba për shkelje si mospërdorim i rripit të sigurimit, parakalimet e gabuara, shpejtësia jashtë normave të lejuara, përdorimi i celularit gjatë drejtimit të mjetit,mospërdorimi i kaskave mbrojtëse për drejtuesit e motoçikletave etj, ndërkohë që janë pezulluar për një periudhë nga 3 muaj deri në 1 vit 6 leje drejtimi dhe janë arrestuar 2 drejtues mjetesh për "Pije alkolike".

Në 5 muajt e parë të 2022 në vendin tonë kanë humbur jetën 75 persona nga aksientet rrugore, ku Durrësi dhe Fieri mbajnë kryesimin e tabelës me nga 13 viktima.

Telefonat në timon po vrasin