Mes vapës përvëluese, në juglindje godet breshëri dhe shiu, dëme të mëdha
Nga Iris Rezhda Përditësimi i fundit 30 Qershor 2022, 17:41
Rikthehen reshjet e breshërit në juglindje, në disa fshatra të Maliqit, Devollit dhe po ashtu në qytetin e Korçës.
Sipas informacioneve, në Maliq janë prekur fshatrat Rembec, Orman dhe Pojan ku siç shihet në pamjet në video reshjet e breshërit kanë qenë të dendura.
Raportohet për dëme të mëdha në prodhimet bujqësore.
Flitet për 500 ha më grurë të dëmtuar në Rembec, Orman, Pendavinjë e Pojan. 400 vetëm në Rembec e Orman.
Janë dëmtuar gjithashtu 100 ha me kultura të tjera, kryesisht patate. Dëme të mëdha ka edhe në mollë në njësinë administrative Proger
Ndërkohë që pas breshërit, vijojnë reshjet e shiut në juglindje.
