Berisha: DSIK i Ramës pajisi me certifikatë sigurie të NATO-s motrën e Dumanit kur ai përmendi emrin e Ballës dhe qeveritarëve të tjerë
Nga OraNews Përditësimi i fundit 18 Qershor 2022, 17:59
Kreu i PD-së Sali Berisha ka reaguar pas publikimit të lajmit në Ora News, se motra e Nuredin Dumani është e punësuar në Ministrinë e Jashtme.
Berisha thotë se ky është një superskandal, ku motra e vrasësit me pagesë pajiset me certikatë sigurie për NATO-n.
Ish-kryeministri shkon më tej kur thotë se DSIK e pajisi me certifikatë sigurie pikërisht kur Dumani filloi rrëfimin për serinë e vrasjeve në SPAK lidhjet e qeveritarëve të lartë me krimin.
Berisha: Super skandal i ri! Banda qeveritare e Elbasanit e pajisur me çertifikate sigurie per NATO. Miq, Njera prej bandave me te rrezikshme ne Europe dispononte edhe çertifikate sigurie per NATO-n. Mediat informojne sot se me daten 06.06.2022, motra e vrasesit serial Nuredin Dumani u pajis nga drejtori i pergjithshem i DSIK, i cili varet direkt nga Edi Rama, me çertifikate sigurie per te lexuar edhe dokumentat sekrete te NATO-s. Kjo u be me kerkese te Ministres se Jashtme Olta Xhaçkes. Ky super skandal ndodhi pikerisht ne ditet kur i vellai i saj depononte ne prokurori serine e vrasjeve me pagese qe ai ka kryer, por edhe lakimin e Taulant Balles dhe qeveritarve te tjere te larte si te perfshire ne veprimtarite e bandes. Denoj me forcen me te madhe kete superskandal qe deshmon lidhjet e tmerrshme te niveleve me te larta te qeverise me krimin.
