Vrau gruan para Gjykatës në Elbasan, Prokuroria mbyll hetimet për Koçi Buzën, dërgon dosjen në gjykatë
Nga OraNews Përditësimi i fundit 6 Maj 2022, 14:38
Prokuroria e Elbasanit ka mbyllur hetimet për shtetasin Koçi Buze dhe e ka dërguar dosjen në gjykatë nga ku Bozos do ti jepet dënimi i formes së prerë për vrasjen e gruas Liljana Buzo.
Njoftim Zyrtar Prokuroria Elbasan
Prokuroria pranë Gjykatës së Shkallës së Parë Elbasan njofton se sot më datë 06/05/2022 ka përfunduar hetimi dhe është dërguar për gjykim procedimi penal nr. 535, për ngjarjen e ndodhur më datë 06/05/2021 pranë Gjykatës së Rrethit Gjyqësor Elbasan, me të pandehur shtetasin:
Koço Buzo hetuar me masën e sigurimit “arrest në burg” me akuzën e ngritur për kryerjen e veprave penale “Vrasje në rrethana të tjera cilësuese” e mbetur në tentativë, “Vrasja për shkak të marrëdhënieve familjare”, “Prishja e qetësisë publike”, “Mbajtja pa leje dhe prodhimi i armëve, armëve shpërthyese dhe municionit” të parashikuara nga nenet 79 gërma “e” dhe “ë”, e 22, 79/c, 274 dhe 278/1 të Kodit Penal, ku mbeti viktimë bashkëshortja e autorit, shtetësja Liljana Buzo si dhe mbetën të plagosur shtetasit Gëzim Toçila dhe Adriatik Kolaj.
Ngjarja i referohet datës 06/05/2021 në të cilën në afërsi të Gjykatës së Rrethit Gjyqësor Elbasan i pandehuri Koço Buzo vrau me armë zjarri bashkëshorten e tij Liljana Buzo, me të cilën ishte në proces divorci.
Ngjarja ndodhi më 6 maj 2021, ku Buzo u vra nga bashkëshorti në dalje të Gjykatës.
Lilana Buzo, 54 vjeçe u qëllua me automatik nga bashkëshorti Koço Buzo, 58 vjeç ish efektiv policie.
Liliana Buzo, u qëllua pas shpine me tre plumba në trup e për pasojë ndërroi jetë rrugës për në spitalin e Elbasanit.
Breshëria e plumbave la të plagosur avokatin, Gëzim Toçila dhe një kalimtar të identifikuar si Adriatik Kolaj.
