BE sanksione të reja ndaj Rusisë. SHBA paralajmëron se Moska ka në plan të aneksojë pjesë të Ukrainës Lindore
Nga OraNews Përditësimi i fundit 3 Maj 2022, 07:42
BE vazhdon përpjekjet për të rritur presionin ekonomik ndaj Rusisë dhe kjo është në kuadër të hapave të ndërmarrë për më shumë evakuime nga qyteti i rrethuar i Mariupolit.
KLIKONI KËTU PËR LAJMET MINUTË PAS MINUTE
Komisioni Evropian pritet të propozojë një paketë të gjashtë të sanksioneve të BE-së këtë javë kundër Rusisë për pushtimin e saj të Ukrainës më 24 shkurt, duke përfshirë një embargo të mundshme për blerjen e naftës ruse.Ambasadorët nga vendet e BE-së do të diskutojnë sanksionet e propozuara të naftës në një takim që do të zhvillojnë këtë të mërkurë.
Eksportet ruse të energjisë në Evropë, deri tani të përjashtuara kryesisht nga sanksionet ndërkombëtare, po financojnë luftën e Kremlinit me miliona euro çdo ditë.
Michael Carpenter, ambasadori i SHBA në Organizatën për Siguri dhe Bashkëpunim në Evropë paralajmëroi se Moska ka në plan të aneksojë pjesë të Ukrainës Lindore.
Përsa i përket Mariupol, i cili mbahet pothuajse tërësisht nga forcat ruse, është një objektiv kyç sepse kapja e tij do t'i privonte Ukrainës një port jetik, do të hapte një korridor tokësor për në Krime, të cilin Moska e mori nga Ukraina në 2014. Fokusi kryesor i pushtimit është arritja e kontrollit të plotë të rajonit lindor të Donbasit./The Guardian/
