Zyrtari amerikan: Rusia planifikon të 'aneksojë' rajonet e Donetskut dhe Luganskut në Ukrainë
Nga OraNews Përditësimi i fundit 2 Maj 2022, 22:35
Rusia po planifikon së shpejti të "aneksojë" dy rajone lindore të Ukrainës të goditura nga pushtimi i saj, sipas Ambasadorit të SHBA në Organizatën për Siguri dhe Bashkëpunim në Evropë.
Duke folur para gazetarëve në Uashington, Michael Carpenter tha:
"Sipas raporteve më të fundit, ne besojmë se Rusia do të përpiqet të aneksojë Republikën Popullore të Donetsk dhe Republikën Popullore të Luganskut në Rusi".
“Raportet thonë se Rusia planifikon të krijojë referendume për bashkim diku nga mesi i majit” shtoi ai.
Në fillim të këtij viti, presidenti rus Vladimir Putin njoftoi se po njihte pavarësinë e dy rajoneve separatiste.
Republika e vetëshpallur Popullore e Donetskut dhe Republika Popullore e Luhanskut janë në lindje të Ukrainës dhe mund të lejojnë Rusinë të lëvizë trupat në vend.
