A është Zelensky një miliarder? Sa e madhe është pasuria e Presidentit ukrainas?
Nga OraNews Përditësimi i fundit 25 Prill 2022, 16:20
Presidenti ukrainas Volodymyr Zelensky ka qenë çdo ditë në titujt kryesorë të lajmeve që nga shpërthimi i luftës dhe për shumë njerëz mishëron rezistencën ukrainase ndaj pushtimit rus.
Vëmendja e papritur tani po e vë Presidentin nën vëzhgim jetën e tij personale dhe pasurinë.
Aktualisht në internet qarkullojnë akuza se Zelensky është miliarder.
Lajme të rreme, siç raportohet nga revista e biznesit "Forbes".
Por sa i pasur është në të vërtetë Zelensky?
Thashethemet për pasurinë e Zelenskyt po bëhen gjithnjë e më të zhurmshme në internet.
Pasuria e tij thuhet se kap vlerën e 1.4 miliardë dollarëve.
Pretendime të tilla përhapen kryesisht nga llogari pro-ruse.
Njëri prej tyre është Lee Stranahan, një prezantues amerikan në Radio Sputnik të kontrolluar nga Rusia.
Stranahan kohët e fundit shkroi në Twitter:
"Pse Zelensky është një miliarder?"
Sipas hulumtimit të revistës "Forbes", pretendimet në internet se Zelensky është miliarder janë thjesht të rreme.
Lufta goditi rëndë Ukrainën edhe ekonomikisht. Sipas revistës, në vend kanë mbetur shtatë miliarderë.
Prandaj, Presidenti ukrainas nuk është një prej tyre dhe nuk ka pasur kurrë miliarda.
Pasuria e Zelenskyt vlerësohet nga Forbes Ukraine në 20 milionë dollarë. Kolegët amerikanë supozojnë deri në 30 milionë.
Pasuria përbëhet nga aksione dhe pasuri të paluajtshme
Sipas hulumtimit, pasuria e Zelenskyt përbëhet kryesisht nga aksionet e tij në grupin mediatik ukrainas Studio Kwartal 95.
Grupi gjithashtu prodhoi ndër të tjera, serialin komedi "Shërbëtori i Popullit", në të cilin Zelensky mori rolin kryesor të një mësuesi të shkollës së mesme që zgjidhet President i Ukrainës, prodhuar dhe transmetuar përpara se të bëhej President.
Sipas "Forbes", aksionet e tij në grupin mediatik janë deri në 25 për qind.
Presidenti zotëron gjithashtu një apartament në një ndërtesë banimi veçanërisht të shtrenjtë në qendër të kryeqytetit ukrainas, Kiev.
Përveç kësaj, Zelensky zotëron dy apartamente të tjera dhe aksione në prona të tjera, siç raporton “Forbes”.
Portofoli i tij i pasurive të paluajtshme arrin në katër milionë dollarë. Thuhet se Zelensky ka shitur një vilë të shtrenjtë në Forte dei Marmi, Itali, në vitin 2020.
Llogaria bankare e Presidentit dhe gruas së tij Olena Zelenska është dy milionë dollarë.
Sipas "Forbes", pasuria e saj e mbetur, e përbërë nga dy makina dhe bizhuteri, arrin në jo më shumë se një milion dollarë.
Sipas revistës së biznesit, pretendimet se Zelensky zotëron disa jahte luksoze, avionë privatë dhe aksione në Tesla, Meta dhe Aramco nuk mund të vërtetohen.
