"E bukura e Adriatikut" ankorohet në Vlorë, 75 turistë francezë zbresin në qytetin jugor
Nga Edi Ruçi Përditësimi i fundit 21 Prill 2022, 10:51
Pas gati dy viteve mungesë për shkak të pandemisë në portin e Vlorës u ankorua krocera e parë. “La Belle De l’Adriatique”, solli turistët e parë të një sezoni me pritshmëri të larta.
Sirena e Kroçerave nuk dëgjohej prej gati dy vitesh në portit e Vlorës.
“La Belle De l’Adriatique”, ishte ajo që konsiderohet dallëndyshja e parë e një sezoni veror me pritshmëri të larta.
Kroçera që prej vitesh ka përfshirë portet shqiptare në pjesë e guidave turistike detare mbërriti mëngjesin e së enjtes.
Në bord kishte rreth 75 turistë kryesisht franceze por edhe nga vende të ndryshme të Evropës.
Vizituan Vlorën e më pas udhëtuan drejt parkut arkeologjik të Apolonisë në Fier dhe qytetin e Beratin. U njohë më historinë e trashëgiminë shqiptare.
Muaji prill shënoi përfshirjen e Shqipërisë në guidat e kroçerave në Mesdhe për herë të parë që prej pandemisë.
E bukura e Adriatikut, më herët qëndroi në Durrës me 81 turistë në Bord si pjesë e një turi në Mesdhe.
Ndërsa Saranda mbetet destinacioni më të tërheqës për vizitorët nga deti.
Silver Moon ishte e para kroçiere për vitin 2022 dhe solli mbi 400 turistë një pjese e të cilëve u zotuan se do të rikthehen për të pushuar më gjatë në Shqipëri.
