Përkujtohet 571-vjetori i martesës së Skënderbeut me Donikën
Nga OraNews Përditësimi i fundit 16 Prill 2022, 20:48
Ky vit shënoi 571 vjetorin e martesës së Heroit tonë Kombëtar, Gjergj Kastriot Skënderbeu. Kjo ditë u përkujtua në Lezhë nga aktivistë dhe studiues të historisë së vendit tonë.
Ata sollën në kujtesë ceremoninë e martesës së Gjergj Kastriotit me Donikën, sipas traditave zakonore të fesë kristiane.
Sipas dokumenteve historike Gjergj Kastrioti u martua në vigjilje të festës së Pashkës katolike, në Kishën e "Shën Marisë" në Vaun e Dejës, duke kryer ritin martesor të katolikëve, celebrimin në Kishë.
Ambientalisti Sazan Guri tërhoqi vëmendjen për mungesën e e studimeve shteruese historike në shumë drejtime.
"Akademia shqiptare ka vetëm 5 rreshta për martesën e Skënderbeut me Donikën. Jashtëzakonisht pak, duhet të kërkojnë se ja ku është Vatikani, ja ku është Roma."
Ky event përkujtimor u organizua nga akademia "Rrënjët tona" me mbështetjen e bashkisë Lezhë.
