Sulmi i katërt në qendër të Tel Avivit, të paktën 2 të vdekur disa të plagosur. SHIKONI VIDEOT

Nga OraNews Përditësimi i fundit 7 Prill 2022, 21:45

Dy persona janë vrarë në  qendër të Tel Avivi në Izrael, në atentatin e katërt të këtij lloji brenda dy javësh.

Disa nga të shtënat raportohet se kanë ndodhur në rrugën Dizengoff, një nga rrugët më të frekuentuara të qytetit. Raportimet e para tregojnë se një person i armatosur është vrarë, ndërsa një autori  i dytë i mundshëm i këtij atentati është ende i lirë.

Ai pason një seri sulmesh nga arabët izraelitë dhe një palestinez që kanë lënë të vdekur 13 persona.

Video nga vendi i ngjarjes tregojnë njerëz duke ikur dhe duke u strukur pas makinave të parkuara. Një tjetër foto, e postuar në rrjetet sociale, tregon tavolina dhe karrige të përmbysura në një lokal jashtë ku njerëzit ishin ulur. Policia u ka thënë banorëve që për momentin të qëndrojnë brenda.

Tetë persona u plagosën, katër prej tyre në gjendje kritike, thanë zyrtarët e spitalit në Tel Aviv.