Votë unanime, Agim Ademi fiton një tjetër mandat në krye të Federatës së Kosovës

Nga OraNews Përditësimi i fundit 6 Prill 2022, 13:12

Agim Ademi është rizgjedhur president Federatës së Futbollit të Kosovës, në një votim pothuajse unanim dhe ku nuk kishte kandidat tjetër për ta sfiduar.

Ademi mori besimin e Asamblesë së FFK-së për një mandat tjetër 4-vjeçar teksa 42 vota ishin pro për të nga 43 të mundshme dhe një votë ishte abstenim.

Prezentë në Kuvendin e FFK-së ishin 2/3 e delegatëve, të domosdoshëm për zgjedhjen e kryetarit teksa kandidati tjetër i deklaruar Gramoz Vokrri nuk u regjistrua nga bordi i verifikimit të FFK-së, ku vendimin e konfirmoi pak javë më herët edhe Gjykata Themelore e Prishtinës.

Gjatë punimeve ishin të pranishëm edhe përfaqësues të dy organizmave ndërkombëtarë, Alessandro Gramaglia, delegat i FIFA-s, dhe gjithasthu përfaqësues të UEFA-s.

Agim Ademi erdhi né krye të FFK-së në vitin 2018 kur pasoi në këtë detyrë Fadil Vokrrin i cili u nda nga jeta pas një infarkti të pësuar./Ora News/.