Milani nuk e mban presionin, barazim zhgënjyes me Bolognan (Video)
Nga OraNews Përditësimi i fundit 4 Prill 2022, 22:44
Barazim pa gola dueli përmbyllës në Serinë A për javën e 31-të ku Milani zhgënjeu përpara tifozëve pasi nuk arriti të thyente Bolognan.
Në “San Siro”, Milani ishte thirrur për të vijuar ecurinë pozitive prej 3 fitoreve radhazi dhe një betejë e vërtetë u zhvillua ndaj Bolognas. Këta të fundit pa Mihajloviç në stol vunë në vështirësi të mëdha kuqezinjtë teksa pjesa e parë ishte e luftuar dhe të dyja ekipet mund të shënonin.
Barrow e Svanberg rrezikuan portën e Maignan ndërsa Leao humbi një rast të artë teksa vendasit protestuan edhe për një prekje të mundshme me dorë nga ana e Medel që nuk u vlerësua si penallti. Edhe Giroud ishte shumë pranë golit në këte fraksion me Skorupskin që u bë mur në portë.
Pjesa e dyte rrit presionin te Milani dhe sërish Leao merr përsipër shumicën e rasteve të krijuara por nuk tregohet i saktë. Në 70’, Pioli hedh në fushë kartën Zlatan Ibrahimoviç. Në minutat e fundit, Tomori me kokë jep drithërima me topin që kalon ngjitur me traversën por në fund një zhggënjim i madh pasi rezultat mbetet 0-0.
Një barazim që lë Milanin në krye me 67 pikë, një më shumë se Napoli dhe 4 më shumë se Interi por këta të fundit kanë një ndeshje më pak pikërisht ndaj Bolognas për ta luajtur./Ora News/.
