Bomberi argjentinas i jep fund futbollit të luajtur. Vendos tërheqjen
Nga OraNews Përditësimi i fundit 5 Prill 2022, 18:35
Shumë stres, nuk gjen veten më në futboll. Flasim për Gonzalo Higuain që prej një viti ka pranuar se nuk ndihet më si më parë në fushën e lojës dhe se fundi i tij në fushën e blertë është pranë.
Sot ka ardhur edhe zyrtarizimi për të ardhmen, ky sezoni që ka nisur në SHBA do të jetë i fundit për sulmuesin argjentinas i cili ështe në vitin e tretë të aventurës me Inter Miami.
Është babai i sulmuesit që ka konfirmuar vendimin e përfolur prej disa kohësh për të “varur këpucët në gozhdë”.
“Nuk do të jetë në Argjentinë e ardhmja e tim biri, madje ai më ka rrëfyer se do të tërhiqet nga futbolli në fund të këtij sezoni u shpreh Jorge Gonzalez.
Higuain është një nga numrat 9 më të mirë në qarkullim në bazë të golave të shënuar për ndeshje pavarësisht se 2-3 vitet e fundit e ka humbur dhe nuhatjen.
Janë 350 gola mes klubeve që ka luajtur dhe kombëtares argjentinase teksa lista e trofeve është e gjatë:
La Liga tre herë (Real Madrid: 2006-2007, 2007-2008, 2011-2012), dy Superkupa të Spanjës (Real Madrid: 2008, 2012), një Kupë Spanje. Real Madrid: 2010-2011), tre Scudetto (Juventus: 2016-2017, 2017-2018, 2019-2020), tre Coppa Italia (Napoli: 2013-2014; Juventus: 2016-2017-2016-2017), Superkupën e Italisë (Napoli: 2014) dhe një Europa League (Chelsea: 2018-2019)./Ora News/.
