Mos humbisni videon: Makinat lëvizin mbi minat tokësore të vendosura në rrugën afër Kievit

Nga OraNews Përditësimi i fundit 1 Prill 2022, 18:27

Një video është shfaqur në mediat sociale e cila duket se tregon makina që lëvizin me kujdes rreth minave tokësore në rrugë, që besohet të jetë vendosur pranë fshatit Potashnya, në veri-perëndim të Kievit.

Një ish-komandant tanku i Ushtrisë Britanike tha se ato duket se janë mina antitank TM-62M të epokës sovjetike.

Këto mina mbajnë rreth 7.5 kg eksploziv, të cilët shpërthejnë vetëm kur i nënshtrohen presionit të konsiderueshëm.

Justin Crump tha se të dyja palët po përdorin mina në këtë zonë për të parandaluar lëvizjen në fushën e betejës dhe shtoi se ishte një fushë e minuar joefektive, e vendosur kryesisht për efekt frike.