Një ditë pas dorëheqjes/ Basha kthehet në zyrë, Alibeaj nuk nxiton për negociatat
Nga Fjorela Beleshi Përditësimi i fundit 22 Mars 2022, 15:12
Pas dorëheqjes së Lulzim Bashës selia blu ka mbetur në duart e kryetarit të Enkelejd Alibeaj, i komanduar nga Sekretari i Përgjithshëm Gazmend Bardhi.
Me detyrën për të bashkuar demokratët, Alibeaj mendon që negociatat me Foltoren do të nisin me kushtin që Berisha të largohet nga vendimmarrja e PD.
“Do të kemi kohë për të biseduar për të gjitha procedurat e rëndësishme është sensi i mirë"
Por në ditën e parë të punës, Alibeaj nuk ka arritur të punojë në zyren që është përdorur nga Lulzim Basha si kryetar.
I larguar nga detyra, por Basha nuk ka hequr ende dorë nga zyra e tij. Edhe në ditën e pushimit ai ka mbërritur në seli, në hyrjen e së cilës u përball me grupimin e 90’ të cilët e uruan për dorëheqjen.
Bislim Ahmetaj: Urime për dorëheqjen
Derisa PD të caktojë emrat për të negociuar me komisionin e rithemelimit, proces që sipas Alibeaj nuk bëhet duke nxituar, Sekretari i Përgjithshëm mendon që formula për bashkimin e demokratëve shkon përtej çdo egoje individuale.
“Partia bashkohet kur secili prej nesh kapërcejnë veten për interes të PD-së”
Pas takimit me njëri-tjetrin në ambjentet e brendshme në PD, Alibeaj u largua drejt Selisë së Shenjtë të Bektashinjve, ndërsa Lulzim Basha mbeti brenda godinës së fortifikuar të selisë blu, pas 9 vitesh jo më si kryetar.
