Gjenden 3 pelikanë të ngordhur në liqenin e Prespës, dyshohet për grip të shpendëve
Nga Iris Rezhda Përditësimi i fundit 22 Mars 2022, 10:30
Tre pelikanë janë gjendur të ngordhur në liqenin e Prespës në anën shqiptare.
Pelikanët janë gjetur ditën e enjte, 17 mars dhe janë çuar për analiza në laborator.
Sipas burimeve bëhet fjalë për gripin e shpendëve.
Disa ditë më parë ka qenë Agjencia e Ruajtjes dhe Mbrojtjes së Mjedisit e cila ka lajmëruar se gripi i shpendëve ka qenë aktiv në liqenin e Prespës në anën greke, e mesa duket gripi ka prekur tanimë dhe shpendët në territorin vendas.
