Do hamë më pak bukë”, Angjeli: Qeveria të rrisë më shpejt se ç’ka parashikuar pagën minimale
Nga Nertila Dosti Përditësimi i fundit 9 Mars 2022, 15:12
Përballë çmimeve që çdo ditë po shënojnë rekorde të reja qytetarëve iu ka mbetur vetëm një zgjidhje, të kursejnë.
Për ekspertët e ekonomisë kjo situatë vjen si pasojë e rritjes së çmimeve në tregjet ndërkombëtare, veçanërisht pas nisjes së konfliktit Rusi-Ukrainë.
Për të lehtësuar barrën e qytetarëve, Anastas Angjeli rekomandon rritjen e pagës minimale.
Anastas Angjeli: Për shtresat në nevojë duhet riparë ndonjë politikë që ata të kompensojnë goditjen e madhe që marrin nga kjo rritje e çmimeve. Siç është premtuar rritja e pagës minimale të kemi një përshpejtim të marrjes së vendimit për këtë me qëllim që të zbusim sa më shumë këtë krizë”
Situata e re mund të sjellë edhe abuzime ndaj Profesor Angjeli thotë se institucionet duhet të jenë të kujdeshme për të mos i lejuar.
Anastas Angjeli: Situata të tilla lënë shkas për abuzim në tregjet tona. Është e domodoshme që organet fiskale të rrisin vigjilencën e kontrollin e tyre me qëllim që të kemi një reflektim real dhe jo abuzues.
Profesor Angjeli shprehet se e gjithë bota, si pasojë e luftës në lindje, është përballë një krize të re ekonomike që do të përfshijë edhe vendin tonë.
