8 marsi, protestë e lule/ Gratë e vajza mesazhe kundër dhunës, kërkojnë më shumë të drejta
Nga OraNews Përditësimi i fundit 8 Mars 2022, 15:23
Në ditën e tyre ndërkombëtare, gratë e vajzat shqiptare ngritën zërin për më shumë të drejta e barazi gjinore. Mes protestash apo momentesh festive 8 Marsi është një ditë që risjell në vëmendje rolin e pazëvendësueshëm që kanë gratë në familje e shoqëri.
Në ditën ndërkombëtare të grave e vajzave Flavia Osmani ngriti zërin për më shumë të drejta e barazi gjinore.
Ajo thotë se shumë vajza në Shqipëri jetojnë mes pamundësive dhe vështirësive ndaj këtë 8 Mars duhet protestuar për to.
"Problemi fillon nga kushtet ekosnomike dhe financiare, pastaj vazhdon sigurisht edhe me mentalitetin e një shoqërie historikisht patrarkale."
Në një tjetër organizim, aktivistet e shoqërisë civile përcollën mesazhe kundër dhunës.
"Dhuna është një cikël që zgjat, një cikël i dhimbshëm, një cikël që viktimat e dhunës nuk janë të ndërgjegjësuar.
"Gratë që kanë një shkallë më të ulët ekonomike, përballen shumë sfida"
Për të drejtat e grave protestuan edhe burrat.
"Gratë kanë një barrë shumë të rëndë në shpinë. Mendoj se kanë vështirësi në punë."
Në këtë 8 Mars nuk mungoi sensibilizimi as për vajzat e Ukrainës.
"Gratë janë shumë të lidhura me njëra- tjetrën, kudo që janë edhe nëse kemi luftën dhe politikën kundra nesh.
Vitin e kaluar në Shqipëri humbën jetën 16 gra e vajza. Në kujtim të tyre në qendër të Tiranës u vendosën këto këpucë të kuqe, në formën e një instalacioni.
Por teksa disa protestuan, të tjerë festuan.
Rrugët e kryeqytetit u zbukuruan këtë të marta nga gra e vajza me lule në duar.
"Duhet të kemi respekt për gratë sepse pa gratë nuk ka jetë."
Mes protestash apo momentesh festive 8 Marsi është një ditë që risjell në vëmendje rolin e pazëvendësueshëm që kanë gratë në familje e shoqëri.
