Prokurori Dritan Nushi pushon çështjen HAKO, paralajmërimi i infermierit: E mbyllin ata se kanë lekë

Nga Alketa Çeku Përditësimi i fundit 1 Mars 2022, 13:05

"Ora investigim" ka publikuar deshmitë kontradiktore të përfaqësuesve  te  kompanisë HAKO në tentative për të fshehur aksidentin në punë të shtetasit Genc Kallari.

Me HAKO-n ka bashkëpunuar edhe infermieri i Spitalit të Traumës me iniciale V.A i cili ka deklaruar ne prokurori se nuk mban mend ta ketë mjekuar shtetasin Genc Kallari në ndonje shtëpi private.

Kamera e fshehtë e "Ora investigim" ka faktuar momentin kur infermieri i Spitalit të Traumes ka pranuar përpara kolegut të tij se shtetasin Genc Kallari ai e ka mjekuar fillimisht në klinikën e tij private dhe më pas  ai ka ardhur ne Spitalin e Traumës.

Infermieri: E mora unë, e kam mjekuar unë.

Infermieri i Spitalit të Traumës ka deklaruar në prokurori se nuk e njeh përgjegjësin teknik të HAKO-s shtetasin me iniciale Y.P.  

"Ora investigim" ka faktuar se këto dy shtetas njihen.

Infermieri: Ajo Ylli ti je? Dëgjo tani çfarë bëre me atë çunin ti se ai më ka ardhur këtu mua, Genci Kollari. Çfarë bëtë me të? A e more në punë? Unë e kam këtu, ai është një hallexhi. I shikojmë dorën ka bërë fibrozë të tendinave po ti merre fute në punë, po të futem mik unë.

Infermieri i Spitalit të Traumës është plotësisht në dijeni të faktit që Genc Kallari është aksidentuar në ambientet e punës panvarsisht faktit që HAKO ka deklaruar se ai është vrarë në ambientet e shtëpisë. 

Infermieri: Pse ta ka bërë ai maskarai që ka thënë është vrarë në shtëpi kur ti je vrarë në punë. Ai donte t'ja merrje me film ku u vrave ti.

Prokurori Dritan Nushi e humb fillin e argumentit dhe  në kërkesën për pushimin e çështjes vijon të flasë për një tjetër person të aksidentuar në punë  që ka rënë nga lartësia.

Këto janë dy aksidente te ndryshme që nuk kanë lidhje me njëra- tjetrën.

Kjo është nje dëshmi e qartë se si arsyetimet bëhen copy-paste.

Paralajmërimi i infermierit se leku  i mbyll çështjet në prokurori dhe se i madhi e ha të voglin me sa duket ka rezultuar  të jetë i vërtetë. 

Infermieri: Ata në Prokurori kanë besuar atë, nuk të kanë besuar ty. Genco kanë lekë, i madhi e ha të voglin, pikë muhabeti.

I bëjmë  thirrje prokurorisë së Tiranës që të  rihapë hetimet për këtë rast pas fakteve të reja  dhe  dëshmive që "Ora investigim" ka  publikuar.