Luftimet intensifikohen në Kiev ndërsa forcat ruse përparojnë, harta ku po zhvillohen përleshjet

Nga OraNews Përditësimi i fundit 25 Shkurt 2022, 08:04

Përleshjet midis forcave ushtarake ukrainase dhe ruse, po ndodhin nw disa qytete.

Luftimet në dukje janë intensifikuar në kryeqytetin e Kievit ndërsa forcat ruse përparojnë, me raporte për disa shpërthime, të shtëna me armë dhe sulme me raketa që u dëgjuan brenda ose rreth qytetit herët të premten.

Një zyrtar i ministrisë së brendshme ukrainase pohoi se një avion rus është rrëzuar mbi lagjen Darnytskyi të Kievit, megjithëse këto raporte janë të pakonfirmuara.

Luftimet po zhvillohen gjithashtu në një fushë ajrore në periferi të Kievit dhe mund të bëhet një trampolinë për ushtrinë ruse në Kiev nëse trupat e saj e kapin atë.

Zëvendësministri i Mbrojtjes i Ukrainës thotë se forcat ruse mund të hyjnë në zonën jashtë Kievit më vonë sot.

Pas përleshjeve, forcat ruse kanë marrë kontrollin e ish-kompleksit bërthamor të Çernobilit në Ukrainën më veriore, afër kufirit me Bjellorusinë dhe vetëm 93 kilometra nga Kievi. SHBA thotë se ushtarët ukrainas po mbahen peng atje.

Që nga fillimi i pushtimit, Ukraina është përpjekur të shmangë pushtimin rus nga tre fronte të veçanta - veriu, jugu dhe lindja e vendit, ku luftimet kanë qenë ndër më të ashprat.

Luftimet intensifikohen në Kiev ndërsa forcat ruse