Mijëra qytetarë të Ukrainës do të kalojnë natën në stacionet e metrosë

Nga OraNews Përditësimi i fundit 24 Shkurt 2022, 22:51

Të enjten në mëngjes, kur Rusia filloi pushtimin e saj në Ukrainë, mijëra qytetarë të të gjitha moshave, pasi kishin arritur të vendosnin në valixhet e tyre gjithçka që mundën, u drejtuan drejt stacioneve të metrosë, duke dashur të gjenin një strehë të sigurt nga bombardimet.

Pamjet dhe videot që paraqesin dhjetëra qytetarë në shkallët dhe korridoret e stacioneve të metrosë po bëjnë xhiron e botës përmes rrjeteve sociale. 

Të gjithë po përgatiten të kalojnë një nga netët më të vështira të jetës së tyre, ndërkohë që “daullet e luftës” krijojnë një atmosferë të përgjithësuar terrori.