Pushtimi rus ndaj Ukrainës, NATO vë në gatishmëri 100 avionë luftarakë
Nga OraNews Përditësimi i fundit 24 Shkurt 2022, 19:57
NATO ka urdhëruar ushtrinë të intensifikojnë përgatitjet për të mbrojtur territorin aleat pasi Rusia pushtoi Ukrainën.
NATO ka aktivizuar planet e saj të mbrojtjes dhe u ka dhënë më shumë autoritet komandantëve ushtarakë në përgjigje të pushtimit rus ndaj Ukrainës.
“Aleanca po planifikon të vendosë më shumë pajisje ushtarake për të përforcuar vendet e Evropës Lindore” u tha gazetarëve Sekretari i Përgjithshëm i NATO-s, Jens Stoltenberg, pas një takimi të Këshillit të Atlantikut të Veriut.
Deri më tani janë vënë në gatishmëri 100 avionë luftarakë.
E po ashtu aleatët e organizatës më të madhe ushtarake në botë kanë rënë dakord për të rritur numrin e trupave në krahun e saj lindor.
Stoltenberg tha se Rusia "po përdor forcën për të rishkruar historinë" dhe "po i mohon Ukrainës rrugën e saj të lirë dhe të pavarur".
Forcat ruse filluan një sulm të shumëfishtë në Ukrainë në orët e para të 24 shkurti
