Moldavia përgatitet për refugjatët ukrainas, kalojnë kufirin 4 mijë njerëz

Nga OraNews Përditësimi i fundit 24 Shkurt 2022, 17:24

Më shumë se 4,000 njerëz, kryesisht gra dhe fëmijë, kanë ikur deri më tani nga Ukraina dhe po zhvendosen në Moldavi.

Nuk është ende e qartë nëse ata synojnë të qëndrojnë atje apo të kalojnë në Rumani.

Ndërkohë BBC shkruan se autoritetet ukrainase po pengojnë largimin e burrave që mund të luftojnë, por megjithatë për këtë nuk ka asnjë konfirmim.

 “Ne presim shumë njerëz” tha Roland Schilling, përfaqësues rajonal i Agjencisë së OKB-së për Refugjatët

“Jemi në dijeni të radhëve të mëdha që krijohen në pikat kufitare.”- shtoi ai.

OKB-ja ka paralajmëruar më parë se një pushtim i Ukrainës mund të shkaktojë një krizë në shkallë të gjerë refugjatësh.