"Putini të japë dorëheqjen!" Rusia arreston dhjetëra protestues kundër luftës në Ukrainë
Nga OraNews Përditësimi i fundit 24 Shkurt 2022, 19:50
Të paktën 735 persona janë arrestuar në protestat kundër luftës në të gjithë Rusinë sot pas pushtimit të Ukrainës.
Demonstruesit u arrestuan në 40 qytete, sipas OVD-Info, e cila gjurmon arrestimet në mitingjet e opozitës.
Më shumë se 330 persona janë arrestuar në Moskë, thuhet në deklaratë.
Pamjet nga Moska tregojnë turma të mëdha pranë Kremlinit.
Rreth 2,000 njerëz u mblodhën pranë sheshit 'Pushkin' në Moskë dhe deri në 1,000 njerëz në qytetin e Shën Petersburgut, raporton agjencia e lajmeve AFP.
Putin’s hometown. When does Putin run out of capacity to repress mass protests? He’s fighting a major war with large nieghbor ~600km away. https://t.co/8IvjTAjDEW
— Alexander S. Vindman (@AVindman) February 24, 2022
Në media janë shfaqur imazhe të policisë ruse duke arrestuar protestuesit në një protestë kundër luftës që po zhvillohet në sheshin Pushkinskaya të Moskës qendrore.
Një imazh i marrë nga një fotograf i AFP-së në vendngjarje tregon oficerët që ndalojnë një burrë duke mbajtur një pankartë ku shkruhej: "Jo luftës me Ukrainën! Putini të japë dorëheqjen".
Imazhet e tjera tregojnë oficerët duke bllokuar sheshin. Një gazetar i Guardian në vendngjarje tha në Twitter se ka një "prezencë shumë të madhe policie" në zonë.
Në SHBA, një tubim pro-ukrainas pritet të zhvillohet jashtë Shtëpisë së Bardhë në Uashington DC në orën 16:30 me orën lokale.
