Diplomati ukrainas: Nuk kemi pajisje të mjaftueshme për të zmbrapsur sulmin rus
Nga OraNews Përditësimi i fundit 24 Shkurt 2022, 17:32
Ukraina aktualisht nuk ka pajisje të mjaftueshme ushtarake për t'u mbrojtur.
Këtë deklaratë e bëri ambasadori i vendit në Mbretërinë e Bashkuar, Vadym Prystaiko.
"Në këtë moment ne kemi mjaft njerëz, ne nuk kemi pajisje të mjaftueshme," tha Prystaiko kur u pyet nëse forcat e Ukrainës në terren janë të afta të zmbrapsin sulmin e Rusisë.
Ndërsa foli me gazetarët në Ambasadën e Ukrainës në Londër, ai shtoi se Ukraina ka qenë e hapur për nevojën për pajisje ushtarake, plus mbështetje financiare dhe humanitare nga vendet e tjera.
Udhëheqësit e Bashkimit Evropian pritet të shpallin një paketë mbështetjeje humanitare për Ukrainën, si dhe sanksione kundër Rusisë.
“Por ne po bëjmë një luftë të vërtetë … tanke, helikopterë, aeroplanë duke u rrëzuar. Ne po mbrojmë tokën tonë”, tha Prystaiko.
Disa zona janë të vështira për t'u mbrojtur tha ai pasi sipas tij Rusia bllokon Detin e Zi dhe Detin Azov.
