“Fol hapur, Sergei!” Vladimir Putin qorton shefin e tij të spiunazhit gjatë diskutimeve për Ukrainën

Nga ukraine Përditësimi i fundit 23 Shkurt 2022, 18:36

Në një kohë kur Perëndimi i udhëhequr nga Shtetet e Bashkuara po kërkon mënyra për të de-përshkallëzuar situatën në Ukrainë dhe duke pritur për lëvizjen e radhës të Vladimir Putin, Presidenti rus i ka dhënë botës një qasje se si i qorton zyrtarët rusë.

Gjatë takimit, i cili u zhvillua të hënën, Shefi i Shërbimit Informativ Sergei Naryshkin u pyet në lidhje me opinionin e tij mbi masën e Kremlinit për të njohur dy rajone lindore të Ukrainës - Donetsk dhe Luhansk - si rajone "të pavarura".

Naryshkin, i cili ishte dukshëm i tensionuar,  fillon fjalimin e tij, por u ndërpre vazhdimisht nga Putin, i cili i kërkoi të fliste qartë.

"Ne duhet të marrim një vendim për atë që po diskutohet sot," - tha Naryshkin, por u ndërpre në mes nga presidenti rus, i cili pyeti nëse ai sugjeron fillimin e negociatave.

Shefi i spiunazhit rus e mohoi, por u ndërpre përsëri nga Putin, i cili tha: "Apo njihni sovranitetin? Flisni, Flisni, Flisni, Flisni, Flisni qartë!"

Naryshkin tha se ai "do të mbështesë propozimin për të njohur këto rajone."

Megjithatë, Putin, me një buzëqeshje djallëzore në fytyrën e tij, e pyeti nëse ai "do të mbështesë" apo ai "po mbështet".

"Fol hapur, Sergei," - tha Putin, pas së cilës Naryshkin u përgjigj se ai po mbështet "propozimin për të inkorporuar republikën popullore të Donetsk dhe Luhansk në Federatën Ruse".